Amboðsfimleikur

Vilt tú vera við til at samskipa fimleikin til Betri Oyggjaleikir, sum vera í Føroyum í 2027?

11. apr. 2025 | Amboðsfimleikur

Vilt tú vera við til at samskipa Betir Oyggjaleikir, sum vera í Føroyum í 2027

Føroya Fimleikasamband sóknast eftir dugnaligum samskipara, til at samskipa og fyriskipa kappingarnar í fimleiki í samband við Betri Oyggjaleikir, sum vera í Føroyum í 2027. Talan er um ein spennandi møguleika, har tú kanst vera við til at fyriskipa stórsta ítróttartiltak, sum nakrantíð hevur verið í Føroyum.

Arbeiðsuppgávur

Sum samskipari kemur tú at arbeiða við fjølbroytnum uppgávum, millum annað at:

• Arbeiða í tøttum samstarvi við Oyggjaleikanevndina og Føroya Fimleikasamband
• Samskifta við sambond úr ymiskum londum, sum koma at luttaka í kappingini
• Samskifta við føroysku feløgini, sum luttaka í kappingini.

Vit vænta, at tú

• Er røkin og væl skipað/-ur
• Dugur væl at arbeiða sjálvstøðugt og í samstarvi við onnur
• Dugur at samskipa og fyriskipa
• Dugur væl at samskifta á enskum í skrift og í talu

Vit kunnu bjóða tær

• Ein spennandi leiklut við nógvum ymiskum avbjóðingum, har eingin dagur er líka
• Gott samstarv við nógv ymisk fólk úr nógvum ymsikum londum
• At seta egnan dám á oyggjaleikakappingarnar í fimleiki

Umsókn

Um tú hevur áhuga í samskiparaleiklutinum, ert tú vælkomin at senda eina umsókn og viðkomandi skjøl til fimleikur@fimleikur.fo. Fimleikasambandið mælir øllum áhugaðum til at senda eina umsókn. Umsóknarfreistin er 2. mai 2025.

Meir fæst at vita við at venda sær til Pól Esper Hansen, forfólk hjá Føroya Fimleikasambandi, á tlf 253888 ella á telduposti pol@fimleikur.fo